Новости : «Астана - бейбітшілік бесігі» тақырыбындағы жалпықазақстандық ашық диктант

          2018 жылдың 20 қыркүйек күні  сағат 11.00-де ҚР ІІМ ТЖК Көкшетау техникалық институтында Ақмола облысы әкімі аппаратының тапсырмасымен жыл сайынғы «Мың бала» мәдени-ағартушылық жобасын жүзеге асыру мақсатында Қазақстан халқы Ассамблеясы облыстық кітапханалар және білім беру мекемелерімен бірлесіп, Қазақстан халқы тілдер күніне арналған «Астана - бейбітшілік бесігі» тақырыбындағы  жалпықазақстандық диктант өткізілді.

           Диктантты өткізудің басты мақсаты – жеке тілдік сауаттылықты тексеру, мемлекеттік тілдің беделін көтеру. Қазақстандық құндылықтарды насихаттау, қазақстандықтардың белсенді азаматтық және өмірлік ұстанымының көрінісі ретінде қарастырылды.

          Жалпықазақстандық ашық  диктантты  Әлеуметтік-гуманитарлық пәндер, тілдер және психологиялық дайындық кафедрасының оқытушылары өткізді. Аталмыш іс-шараға қатысқан курсанттар жақсы білім көрсете алды.

 ӘГПТ және ПД кафедрасы