Жаналыктар : Азаматтық қорғау академиясының курсанттары оқу-жаттығу полигонына шеру-жорық жасады

Курсанттар кәсіби қалыптасуындағы маңызды кезеңдердің бірі – далалық әскери жиындарға кірісті.

Далалық әскери жиындар бірінші курс курсанттары үшін нағыз шыңдалу мектебіне айналады. Бір ай бойы курсанттар далалық жағдайда тұрып, тәжірибелік дағдыларын жетілдіреді. Оларды қарқынды оқу сабақтары, нормативтерді орындау, тактикалық дайындық, саптық даярлық, аралық және қорытынды бақылаулар күтеді.

Шеру-жорық осы кезеңнің алғашқы маңызды сынағының бастамасы болды. Ол курсанттардан жоғары дене дайындығын ғана емес, сонымен қатар табандылық пен ерік-жігерді талап етеді. Дәл осындай жағдайда теория тәжірибемен ұштасып, болашақ офицерлер құтқарушы мамандығына қарай нық қадам басады.