Жаналыктар : Тәрбие жұмысы – курсанттарды даярлаудың маңызды бағыты

Академияда курсанттармен тәрбие жұмысын ұйымдастыру және оның сапасын арттыру мәселелеріне арналған семинар өтті.

Іс-шара Академия бастығы, генерал-майор Ж. Хасеновтың төрағалығымен ұйымдастырылып, оған оқу-саптық бөлімшелердің басшылары қатысты.

Тәжірибе алмасу мақсатында Қазақстан Республикасы ҰҰ 5510 әскери бөлімінің тәрбие және әлеуметтік-құқықтық жұмыстар бөлімшесінің бастығы, майор Нияз Садвакасов «Курсанттық бөлімшелерде тәрбие жұмысын ұйымдастыру тәртібі» тақырыбында баяндама жасады. Ол тәрбие жұмысының негізгі бағыттарына тоқталып, курсанттармен жұмысты жүйелі ұйымдастырудың маңызын атап өтті.